ເລີ່ມສ້າງແບຣນ ດ້ວຍ 5 ກົດພື້ນຖານ | The 5 rules of brand building

ການສ້າງແບຣນອາດເບິ່ງຄືຍາກ ບໍ່ຮູ້ຈະເລີ່ມສ້າງຈັ່ງໃດສຳລັບມືໃໝ່, ແຕ່ໃນບົດຄວາມນີ້ ຂ້າພະເຈົ້າໄດ້ສັງລວມຂັ້ນຕອນພື້ນຖານທີ່ເຂົ້າໃຈງ່າຍ ສາມາດໃຫ້ທ່ານທີ່ຕ້ອງການສ້າງແບຣນສາມາດເອົາໄປເລີ່ມປະຕິບັດໄດ້ເລີຍ.

ກ່ອນທີ່ເຮົາຈະເລີ່ມສ້າງແບຣນ ຂ້າພະເຈົ້າຢາກຂໍອະທິບາຍໃຫ້ທ່ານຊາບກ່ອນວ່າ “ແບຣນແມ່ນຫຍັງ”, (ແບຣນບໍ່ແມ່ນໂລໂກ້) ແບຣນແມ່ນພາບລັກ ຫຼື ເອກະລັກ ຂອງສິນຄ້າ ຫຼື ບໍລິການໃດໜຶ່ງ

ຍົກຕົວຢ່າງ:

  1. ນໍ້າອັດລົມກະປອງສີແດງ? ທ່ານຮູ້ບໍ່ວ່າແມ່ນແບຣນຫຍັງ? ທ່ານຄົງພໍຕອບໄດ້ໝົດແລ້ວວ່າແບຣນຫຍັງ, ແລະ ຄົງສຳນຶກພາບໄດ້ແລ້ວວ່າມີລົດຊາດແບບໃດ? ມີຂາຍຢູ່ໃສແດ່? ສະແດງວ່າທ່ານຈື່ພາບລັກຂອງແບຣນນັ້ນແລ້ວ. ແລ້ວຖ້າເປັນກະປອງສີຟ້າ ທ່ານພໍຄິດອອກບໍ່ວ່າແມ່ນແບຣນຫຍັງ?
  2. ຮ້ານເຝີບ້ານພິມ ຮ້ານເຝີຢູ່ແຖບວັດໄຕ (ນະຄອນຫຼວງວຽງຈັນ) ບໍ່ມີໃຜຮູ້ວ່າໂລໂກ້ເຂົາເປັນແບບໃດ, ແຕ່ຖ້າເວົ້າເຖິງຮ້ານເຝີນີ້ຂຶ້ນມາ ຫຼາຍຄົນຈະເຫັນພາບຮ້ານເຝີທີ່ຢູ່ໃນຮ່ອມເຮືອນຫຼັງນ້ອຍ ເຝີລົດຊາດແຊບ ແລະ ບັນຍາກາດເປັນກັນເອງຄືກັບກິນຢູ່ເຮືອນ. ນີ້ແມ່ນພາບລັກທີ່ເຮົາຈົດຈຳຮ້ານເຝີຮ້ານນັ້ນ, ທີ່ຈິງມັນກໍ່ຄືແບຣນ

ແບຣນກໍ່ຄືກັບຄົນ, ມີບຸກຄະລິກ ມີນິດໄສໃຈຄໍ, ເຮົາຢາກສ້າງແບຣນຂອງເຮົາໃຫ້ມີບຸກຄະລິກແບບໃດ ກໍ່ຕັ້ງເປົ້າໝາຍ ແລະ ມາເລີ່ມລົງມືສ້າງເລີຍ:

1 ສ້າງພາບລັກ ສ້າງຈຸດຢືນຂອງແບຣນ ກ່ອນການສ້າງໂລໂກ້

ການສ້າງພາບລັກ ຫຼື ສ້າງຈຸດຢືນ ກໍ່ຄືການສ້າງຈຸດເດັ່ນ ແລະ ເອກະລັກສະເພາະ ຂອງສິນຄ້າ ຫຼື ບໍລິການຂອງເຮົາເອງ, ເຮົາຕ້ອງມີຈຸດຢືນທີ່ຊັດເຈນ ແລະ ເປົ້າໝາຍທີ່ຊັດເຈນວ່າເຮົາຢາກໃຫ້ຮູບແບບທຸລະກິດຂອງເຮົາເປັນໄປໃນຮູບແບບໃດ, ຍົກຕົວຢ່າງ ຢາກຂາຍເສື້ອຜ້າໃຫ້ກຸ່ມຄົນໄຮໂຊ ເອກະລັກຮ້ານ ການຕົບແຕ່ງຮ້ານ ບັນຍາກາດ ການບໍລິການ ກໍ່ຕ້ອງໄຮໂຊ ສົມກັບທີ່ລູກຄ້າຄາດຫວັງກ່ອນເຂົ້າມາໃຊ້ບໍລິການ, ຫຼື ຢາກຈະສ້າງພາບລັກເປັນຮ້ານຂາຍເຄື່ອງປະເພດໃດໜຶ່ງຄົບວົງຈອນ ກໍ່ຕ້ອງໃຫ້ມັນຄົບວົງຈອນແທ້ໆທັງຊື່ ແລະ ຄວາມເປັນຈິງ ບໍ່ແມ່ນບາດມາຖາມຫາອັນໃດກໍ່ບໍ່ມີ.

Brand-Identity

2. ສ້າງຄຸນນພະພາບ ໃຫ້ຫຼາຍກວ່າສ້າງພາບ

ຜູ້ປະກອບການຫຼາຍທ່ານມັກເຜີເວົ້າສັບພະຄຸນສິນຄ້າ ຫຼື ບໍລິການທີ່ເກີນຈິງ ໂອເວີ້ຈົນເກີນໄປ ຈົນລືມແນມໄປເບິ່ງຄຸນນະພາບຂອງສິນຄ້າ ຫຼື ບໍລິການວ່າສາມາດເຮັດຢ່າງທີ່ໂຄສະນາໄປຫຼືບໍ່ ຊຶ່ງຜູ້ທີ່ມາໃຊ້ບໍລິການອາດພົບພໍ້ກັບສິນຄ້າຫຼືບໍລິການທີ່ບໍ່ໄດ້ເປັນໄປຕາມໂຄສະນາໄວ້ຊຶ່ງເປັນທີ່ຜິດໃນການສ້າງແບຣນ.

Excellent Quality Survey Checklist

3. ສ້າງຄວາມແຕກຕ່າງໃຫ້ແບຣນ

ການສ້າງຄວາມແຕກຕ່າງສາມາດແຕກຕ່າງໄດ້ຫຼາຍແບບ, ແຕ່ຈະຂໍອະນຸຍາດຍົກຕົວຢ່າງ 4 ຈຸດໃຫຍ່ໃນການສ້າງຄວາມແຕກຕ່າງ:

  • ຕ່າງທີ່ສິນຄ້າ: ສ້າງ ຫຼື ພັດທະນາໃຫ້ແຕກຕ່າງໃຫ້ບໍ່ຄືທີ່ຄົນອື່ນມີ ຕົວຢ່າງ ຮ້ານຂາຍບັນກວນ, ຮ້ານທົ່ວໄປຂາຍບັນກວນໃສ້ໝູ, ເຮົາສາມາດແຕກຕ່າງໄດ້ດ້ວຍ ບັນກວນໃສ້ຊີຟູດ (ທະເລ), ໃສ້ຫວານ…
  • ຕ່າງທີ່ຄົນຂາຍ: ຮ້ານຂາຍຕຳໝາກຫຸ່ງແມ່ຄ້າທຳມະດາ, ແຕກຕ່າງດ້ວຍການເປັນຮ້ານຕຳໝາກຫຸ່ງ Cup E, ຮ້ານຕຳໝາກຫຸ່ງ ພຣິດຕີ້…
  • ຕ່າງທີ່ວິທີການ: ຮ້ານຄ້າສະດວກຊື້ ຂາຍສິນຄ້າໂຕດຽວກັນກັບ ຮ້ານຂາຍເຄື່ອງຍ່ອຍ ຕ່າງກັນທີ່ວິທີການ.
  • ຕ່າງທີ່ລາຄາ: ລາຄາຖືກກວ່າ, ແຕ່ການແຕກຕ່າງນະຈຸດນີ້ບໍ່ຢາກແນະນຳປານໃດ ຖືວ່າບໍ່ແມ່ນສິ່ງທີ່ດີໃນການສ້າງແບຣນ

be_different_by_sovata

4. ສ້າງຄວາມຮັບຮູ້ກັບຄົນພາຍໃນກ່ອນ ຄົນພາຍນອກ

ຫຼາຍຄົນມັກຈະເລືອກສື່ການກັບຄົນອື່ນ ກັບລູກຄ້າວ່າແບຣນເຮົາເປັນແບຣນທີ່ມີຄຸນນະພາບ ມີຈຸດເດັ່ນນັ້ນນີ້ ຈົນລືມທີ່ຈະບອກພະນັກງານ ຫຼື ບຸກຄົນໃນອົງກອນຂອງເຮົາເອງ ເຖິງຈຸດເດັ່ນຂອງເຮົາທີ່ພວກເຂົາຕ້ອງເຮັດ ເພາະສະນັ້ນເຂົາເຈົ້າກໍ່ຈະເຮັດຢ່າງທີ່ເຂົາເຮັດເປັນປະຈຳທຸກມື້ເທົ່ານັ້ນ ຫຼື ລໍຖ້າແຕ່ຄຳສັ່ງຈາກເຈົ້າຂອງແບຣນ ແຕ່ຖ້າພວກເຂົາຮູ້ວ່າມັນຄືພັນທະສັນຍາທີ່ແບຣນມີໃຫ້ຕໍ່ລູກຄ້າກໍ່ຈະເຮັດໃຫ້ເຂົາປັບປ່ຽນການປະຕິບັດຕໍ່ລູກຄ້າຕາມທີ່ແບຣນໄດ້ໃຫ້ພັນທະສັນຍາໄວ້. ຫຼື ເວົ້າອີກແບບໜຶ່ງກໍ່ຄື ຄົນໃນຕ້ອງຮັບຮູ້ ແລະ ເຂົ້າໃຈແບຣນກ່ອນ ກ່ອນທີ່ຈະຖ່າຍທອດໃຫ້ຄົນນອກຮັບຮູ້.

o-BUSINESS-TEAM-facebook

5. ສ້າງແຟນ ໄປພ້ອມກັບການສ້າງແບຣນ

ຜູ້ປະກອບການບາງລາຍອາດຫຼົງລືມໃນການສ້າງຄວາມສຳພັນທີ່ດີກັບລູກຄ້າ ເຊັ່ນ ການເຮັດໂປຣໂມຊັ້ນສຳລັບລູກຄ້າປະຈຳໃນການຮັບສິດທິພິເສດ ຫຼື ໂປຣໂມຊັ້ນສຳລັບສະມາຊິກໃໝ່ ເປັນຕົ້ນ ເພາະສິ່ງເຫຼົ່ານີ້ຈະສ້າງຄວາມປະທັບໃຈໃຫ້ແກ່ລູກຄ້າທີ່ມາໃຊ້ບໍລິການ ຈົນສາມາດເຮັດໃຫ້ລູກຄ້າມັກຮັກໃນແບຣນ ແລະ ກາຍມາເປັນແຟນຄຣັບຂອງແບຣນເຮົາ.

manutd-f5

 

 

5 Rules of brand building-17

#ຮຽນຮູ້ແບບCEO

ໂດຍ: ທິລະກອນ ອານຸວົງ.

ແບ່ງປັນຈາກຄວາມຮູ້ ແລະ ປະສົບການຈິງ

Smart CEO by Thilakone

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s